_NGEMI ITHAANO CIA KAHÎÎ NA INYA CIA KAIRÎÎTU

* Ariiriiriiriii aaririiiriiii .....

_O_rûkemi nîrûrî nongoorio,ciana cingîaciarirwo cia mahatha_ _kwaugagwo ngemi cia_ _gîcîcîng'a,okorwo nî kahîî na kairîîtu ciaugagwo ngemi ithaano okorwo nî tûhîî twîrî_ _kwaugagwo ngemi ikûmi okorwo nî tûirîîtu twîrî_ 

_kwaugagwo ngemi inyanya_

_Na nonginya mwana woothe atûûngwo na ngemi tondû nîcio imûtongoragia mûhuro ûyû wa riûa_

*_1) ÛRATHI_*

_Mwana wothe nîwa kîîranîro kîa mûruungu na maithe maitû_

_Arongoragîrio atuîke wagûkahingia ûrathi waake na rûkemi rûûrû rwa mbere nîrwa kûmûrathîra maûndû meega mûtûûrîreinî waake naake akarathagîra njiarwa cia rûûrîrî na thî yoothe_ 

*_2) ÛGO_*

_Ûgo nî ûûgî wa mûciarîre oûrîa ûtahotekaga_ _gûtarîrîka na gûtirî mûndû ûtarî ûgo waake nanîkîo_ _twîtagwo mbarî ya nyamûgo_

_Îndî nî ithaga rîheyanagwo nî mwane Nyaga rîrî rîa kûiga ûthiingu waake_

_Mwana arongoragîrio ûgo nîguo ûtuîke wa kûmûteithia mûtûûrîreinî waake woothe,ûgo nî koothi_

*_3) ÛTOONGA_*

_Gîkûyûinî ûtoonga nî thaayû na ûingî wa ciana na ûtukanîrio tûhîî na tûrîîgû_ 

_Mwana wa kairîîtu nîarongoragîrio ûtoonga ûyû wa ciana nîguo ûtheremu wa njiarwa ciake ona kahîî taguo_

*_4) ÛTHAMAKI_*

_Mûûndû wîna ûtoonga nîaheagwo noongoorio ya gûthamakîra ûtoonga ûcio waake nîguo ûtuîke kîguni mûtûûrîreinî waake ona haarî njiarwa ciake._

_Rûkemi rûûrû ruonanagia mûgîkûyû ti mûûndû gîthayo  ona kana kîgûûta kana ngoombo îndî no eyaathe na eyethere mîaramano_

_*5) ÛCAAMBA*_

_Rûkemi rûûrû noruo rûtaugagîrwo kairîîtu tondû gûtirî hîndî gagatuîka_ njaamba _kana mûthînjîri Ngai_

_Kahîî_ _gagakîrongorerio ûcaamba ûrî ûrûme,kîyo,ûhoreri na ûkirîrîria_

_*ÛNGÎAGA KUUGÎRWO NGEMI ICI MÛTÛÛRÎRE WAAKU ÛGÛTÛÛRA NA CIAGAAGO*_

 # THAYU